Vum guete Wing

Trink Wing bigot, so gueter Wing,
So ä Tröpfle muesch dir gunne.
Do isch e buschbers Hexle drin,
Kansch schu im Glanz dich sunne

Jetzt sürpfl mol, des halt dich jung,
Un lupft blos so, wursch sehne!
Des geht so schlotzrig über d'Zung,
E Wingle zum Verwehne.

Gell, der schmeckt guet, der geht dir ing
Do bruchsch nit long dro schnuffle.
So Tröpfle mueß halt zittig sin,
Nor kan mer's gnüßlig süffle.

Bevor e so e Wingle wurd,
Mueß sich z'erscht ebs bewege
s'macht Ärwet, so e Jährle fort,
s'isch uhne gschafft kei Sege.

Un d'Ärwet geht bezitte los
Wenn dus noch Krabbe fliäge.
Son Rebstock will sine Pflege ho,
Muesch schniide und muesch biäge.

Doch wenn uns unser Herrgot will,
duet Sunn und Erd'vermähle,
Falt dine Händ un dank em still,
Er word schus Richtig wähle.

Nor mach der Herbscht uns d'Bütte vol
Un d'Faß bis an de Spunde.
s'kummt alles, wie's kumme soll,
Het's nit sin Sege gfunde?

Hörsch nit, wie d'Kellerorgel bruust?
Do tuet e Geischt rumore.
s'isch junger Saft, wu zornig suust,
Er isch no nit vergore.

Jetzt lupf din Glas, s'isch gueter Wing,
Des glutschert Herz un Mage.
Im Tröpfle do isch Wohret drin,
Do derf mer Gsundheit sage.